病喵死下死下 "liu" 去超級市場一心想買一些新鮮蝦炒烏東.  到鮮貨海產部, 咩人都無, 死喵一隻自己在哄來哄去.

"要咩呀細路?"

死喵不理外來聲音, 專心選蝦~

"要咩呀細路? 我幫你選啦~"

喵忍不住抬頭四處望, 邊鬼個細路叫無應人咁無禮貌咁討厭?

亞姨姨走埋喵身邊, 單挑的跟喵說, "嗱, 細路, 呢個蝦好食架, 爽口好多, 要份細size 試下~"

細路?

喵得承認本身生長十分 "高大", 喵樣有點比真實看來年輕, 在家的日子又求求其其把頭髮梳起, 身穿超級貧窮之短衫短褲 (無疑買長衫長褲呀嘛), 腳踏爛佬cross~ 但都無理由由一位自閉老女人變成細路架~

大家知啦, 死喵又招積衰無得架嘛, 即時同姨姨講出真實年齡, "喵可能跟你的年齡差不多呢"

亞姨姨即時呆起來, 10sec 之後再像x ray 上下scan 喵來回 2 次, "呢個細路點睇都無 25yrs 啦???"

"有啥出奇?  喵主個樣仲細路呀~"  死喵邊講邊叫mi 埋在生果檔的喵主過來~

亞姨姨整個下巴簡直像要掉在地上似的~ "有無攪錯? 食咩架呢2個?"

想起26yrs 那年死喵沒拿ID card 走到video game centre 找西安, 那位保安叔叔即時氣沖沖走出來, 的住死喵, "細佬, 身分證呢?"  "無有帶呀, 不過喵已經有 26yrs啦~" "你個細佬, 我睇你連15yrs 都無呀, 走走走走走~~~" 即時就自遞介喵 "出境"~

最後喵要死回家拿身分證証明, 慘死~

別要以為長得小很有jetso, 其實不知幾慘, 尤其讀書及工作開始10 年, 常常被人欺負, 無論你成績幾好, 老闆也可說你樣貌不夠大方, 不讓你升上去.  什至現在, 仍有公司同事當死喵很年青, 左恰右恰, 他們最常說的是, "物得呢個女仔講說話咁老積~" 激死.

所以喵不敢染頭髮, 留短髮, 化流行的妝扮~ 否則像極 MK 死花靚....

有 "不幸" 見到喵的blog 友們, 相信會明白喵在說什麼......